नवलपुरको मतगणना सम्पन्न, ६ वटा स्थानीय तहमा एमालेले बाजी मार्दा कांग्रेस २ मा सिमित

नवलपुर । स्थानीय तह निर्वाचन – २०७९ मा पूर्वी नवलपुर जिल्लाको सम्पूर्ण स्थानीय तहको मतगणना सम्पन्न भएको छ । चार वटा नगरपालिका र चारवटा गाउँपालिका रहेको नवलपुरमा २ वटा बाहेक ६ वटा स्थानीय तहमा नेकपा एमालेले जित हात पारेको छ ।

नवलपुरको सदरमूकाम कावासोतीको मतगणना सम्पन्न भएसँगै नेकपा एमालेले ३ वटा नगरपालिकामा जित हात पारेको छ भने नेपाली कांग्रेसले गैंडाकोट नगरपालिका मात्र जित हात पारेको छ । नेकपा एमालेले कावासोती, मध्यविन्दु र देवचुली नगरपालिकामा जित हात पारेको छ ।

त्यस्तै ४ गाउँपालिका रहेको नवलपुरमा नेकपा एमालेले बौंदीकाली, बुलिङटार र विनयी त्रिवेणीमा जित हात पारेको हो । त्यस्नै नेपाली कांग्रेसले हुप्सेकोट गाउँपालिकामा मात्र जित हात पारेको छ ।

गत स्थानीय तह निर्वाचनमा नवलपरासीका ६ वटा स्थानीय तह प्रमुखमा नेपाली कांग्रेसले जित हात पारेको थियो भने यसपटक ६ वटैमा हार ब्यहोरेको छ । यसपटक कांग्रेसले गत स्थानीय निर्वाचनमा हार ब्यहोरेको गैंडाकोटमा जित हात पारेको छ भने, अघिल्लो पटक जितेका बौंदीकाली, बुलिङटार, विनयी त्रिवेणी गाउँपालिकाका साथै मध्यविन्दु र देवचुली नगरपालिकामा हार ब्यहोरेको हो । बुलिङटारमा गाउँपालिका एमाले जित्दा उपाध्यक्ष भने नेपाली कांग्रेसका उम्मेदवारले जितेकी छिन् । अन्य सातवटै स्थानीय तहमा स्थानीय तह प्रमुख र उपप्रमुख एउटै दलका रहेका छन् ।

त्यस्तै नेकपा एमालेले गत स्थानीय तह निर्वाचनमा जितेको गैंडाकोट गुमाएको हो । यस्तो छ नवलपूरको अन्तिम गणनाअनुसारको जित हात पार्ने स्थानीय तह प्रमुख उपप्रमुखको नामावलीः

नवलपुर जिल्ला स्थानीय तह निर्वाचन २०७९ को अन्तिम परिणाम

१. गैडाकोट नगरपालिका

मेयर : मदन भक्त अधिकारी/कांग्रेस

उपमेयर: शान्ती कोईराला/ कांग्रेस

वडा अध्यक्ष: कांग्रेस: ११ वटा

एमाले: ६वटा

माओबादी: १

२. बुलिङ्गटार गाॅउपालिका

अध्यक्ष: दीपेन्द्र सुनारी मगर / एमाले

उपाध्यक्ष: दिल माया राना मगर /कांग्रेस

वडा अध्यक्ष: कांग्रेस: ५ वटा वडा

एमाले: १ वटा वडा

३. देबचुली नगरपालिका

मेयर: हरि न्यौपाने / एमाले

उपमेयर: पार्वता तिवारी/ एमाले

वडा अध्यक्ष: कांग्रेस: ६ वटा वडा

एमाले: ११ वटा वडा

४. कावासोती नगरपालिका

मेयर: बिष्णु प्रसाद भुषाल/एमाले

उममेयर: फुल कुमारी थनेत/ एमाले

वडाध्यक्षः नेपाली कांग्रेस:४

एमाले:१२

माओबादी: १

५. वौदीकाली गाॅउपालिका

अध्यक्ष: प्रकाश ओझा / एमाले

उपाध्यक्ष: दिल कुमारी सारू/ एमाले

वडा अध्यक्षः नेपाली कांग्रेस:२

एमाले: ४

६.हुप्सेकोट गाॅउपालिका

अध्यक्ष लक्ष्मी पाण्डे / नेपाली कांग्रेस

उपाध्यक्ष: पुर्ण सिं राना/ नेपाली कांग्रेस

वडा अध्यक्षः नेपाली कांग्रेस: ६ वटा वडा

७. विनयी त्रिबेणी गाउँपालिका

अध्यक्ष: घनश्याम गिरी/ एमाले

उपाध्यक्ष: भगवती बैदवार/ एमाले

वडा अध्यक्षः नेपाली कांग्रेस: २

एमाले: ४

राप्रपा: १

८. मध्यविन्दु नगरपालिका

मेयर: भीम लाल अधिकारी/एमाले

उपमेयर: पूर्ण कुमारी चौधरी/एमाले

वडा अध्यक्षः नेपाली कांग्रेस: ५

एमाले: १०