सापकोटाको सहस्रगीति श्रीमद्भागवतमहापुराण विमोचित

म्याग्दी –  ज्योतिष पण्डित वामन सापकोटाद्वारा लिखित सहस्रगीति श्रीमद्भागवतमहापुराणको विमोचन गरिएको छ।

म्याग्दीको बेनी नगरपालिका १ मा आयोजित रत्नेचौर धार्मिक महोत्सवको अवसरमा सो धार्मिक पुस्तक विमोचन गरिएको हो ।

बागलुङ नगरपालिका वडा नम्बर ३ रातमाटा निवासी युवा ज्योतिष पण्डित वामन सापकोटाद्वारा लिखित महापुराणको अनन्तश्रीविभूषित त्रिदण्डी श्रीपराङ्कुशाचार्य स्वामी, अनन्तश्रीविभूषित श्रीनारायणाचार्य स्वामी , अनन्तश्रीविभूषित जगद्गुरु स्वामी हिमालय बाबा जी, अनन्तश्रीविभूषित डाक्टर चक्रपाणि स्वामी ,अनन्तश्रीविभूषित लक्ष्मणाचार्य स्वामी , जानकी मेडिकल कलेज जनकपुरधामका प्रमुख डाक्टर राम प्रसाद उप्रेती र बालअभियन्ता प्रेन्सा रेग्मीले संयुक्तरुपमा विमोचन गरेका थिए।

मानिसलाई सहि बाटोमा हिड्न र हिडाउनका लागि श्रीमद्भागवतमहापुराण जस्तो पुस्तक फलदायी हुने हुँदा यस्तो पुस्तक अध्ययन गर्नुपर्ने पुस्तक विमोचनका अवसरमा बोल्ने बक्ताहरूले बताएका थिए ।

ज्योतिष पण्डित वामन सापकोटाले लेखेको सहस्रगीति श्रीमद्भागवतमहापुराणकोे प्रकाशक राजकुमार उपाध्याय रहेका छन्।१८ हजार श्लोक भएको अद्भुत ग्रन्थ श्रीमद्भागवतमहापुराणलाई सापकोटाज्यूले समस्त शास्त्रहरूको निचोड सहित १ हजार श्लोकमा महापुराणहरूको सार वस्तु समावेश गरी प्रकाशित गरेका हुन्। आम सर्वसाधारण मानवहरूले पनि सजिलै नेपाली भाषामा बुझ्नेगरी पुस्तक प्रकाशन गरिएको पण्डित वामन सापकोटाले बताए ।

४५८ पृष्ठ रहेको यो पुस्तकको मुल्य भने ८५० रुपैंया रहेको छ । सापकोटाले विगत केही बर्षदेखी निरन्तर रुपमा सस्कृत क्षेत्रमा अनुसन्धान गर्दै विभिन्न पुस्तकहरु लेख्दै आएका छन्