प्रहरी एसपीका लागि १ र डिएसपीका लागि ४ जना बढुवा सिफारिस (नामसहित)
नव नेपाल |
काठमाडौं । नेपाल प्रहरीका प्राविधिक तर्फ प्रहरी उपरिक्षक (एसपी) र प्रहरी नायब उपरिक्षक (डिएसपी) बढुवा सिफारिस गरेको छ ।
प्राविधिक नर्सिङतर्फको एसपी पदका लागि डिएसपी कमला लामा बढुवा सिफारिसमा परेकी छिन् भने नर्सिङकै डिएसपीमा प्रहरी निरीक्षक (इन्स्पेक्टर) लक्ष्मी थापा बढुवा सिफारिस भएकी छिन् ।
त्यस्तै इन्जिनियरिङ उपसमूहको भौतिक इन्जिनियरिङतर्फ इन्स्पेक्टर नितिन लाखे डिएसपी बढुवाका लागि सिफारिस भएको पनि हेडक्वार्टरद्वारा सूचनामा उल्लेख छ ।
त्यस्तै केनाइनतर्फ चेतनारायण ज्ञवाली र आर्मरतर्फ सोमप्रसाद पंगेनी डिएसपी बढुवाका लागि सिफारिस भएका छन् ।
यसअघि बुधबार नै हेडक्वार्टरले जनपथ तर्फका ८ डिएसपीलाई एसपीमा बढुवा सिफारिस गरेको थियो ।
