आगलागी पीडितलाई मेयर चौधरीले गरे राहत हस्तान्तरण
नव नेपाल |
लहान । लहान नगरपालिका २२ बर्छाबा दलित वस्तीमा भएको आगलागीमा परी नष्ट भएका घर परिवारलाई लहान नगरपालिकाका प्रमुख महेश चौधरीले राहतस्वरुप सहयोग उपलब्ध गराएका छन् ।
बर्छाबाका दलित बस्तीमा आगलागी भएर घर नष्ट भएको जानकारी पाउनासाथ राहतका साथ घटनास्थल पुगेका मेयर चौधरीले श्याम सुन्दर मण्डल खत्बे र विपतिया मण्डल खत्बेको परिवारलाई राहत उपलब्ध गराएका थिए ।
मेयर चौधरीले आगलागीबाट पीडित भएका दुवै पीडित परिवारलाई ५०/५० किलो चामल, ५/५ किलो दाल, नुन, तेल र ५ हजार नगद सहयोग गरेका थिए ।
उक्त अवसरमा मेयर चौधरीले घर बनाउन जस्तापाता उपलब्ध गराउने समेत प्रतिबद्धता जनाएका छन् ।
उक्त अवसरमा मेयर चौधरीले घटनाबाट भएको क्षतिको समेत निरीक्षण गरेका थिए ।
