अमेरिकाको टेक्सासमा लरीभित्र कम्तीमा ४० को शव फेला, १६ जनाको जिवितै उद्धार
नव नेपाल |
टेक्सास । अमेरिकाको टेक्सासमा ४० जना व्यक्ति मृत फेला परेका छन् । टेक्सासको सान एन्टोनियोको बाहिरी क्षेत्रमा एक लरीमा कम्तीमा ४० जना व्यक्ति मृत फेला परेको बीबीसीले लेखेको छ । अन्य १६ जनालाई अस्पताल लगिएको छ।
मृतकहरू आप्रवासी हुन् । तर, कुन देशका हुन् भन्ने बारेमा नखुलेको सञ्चार माध्यमहरूले जनाएका छन् । सामाजिक सञ्जालमा सार्वजनिक भएका तस्वीरमा एउटा ठूलो ट्रकको वरिपरि अहिले ठूलो संख्यामा आपतकालीन उद्धारकर्ताहरू देखिएका छन् ।
गाडी सान एन्टोनियोको दक्षिणपश्चिमी भागमा रेल ट्रयाकको छेउमा फेला परेको थियो। गाडी फेला परेको क्षेत्र अमेरिका-मेक्सिको सिमानाबाट २५० किलोमिटरमा पर्छ ।सान एन्टोनियोको प्रहरीले शव गाडीका चालकलाई खोजिरहेको छ ।
घटनाको थप विवरण आउन बाँकी रहेको बीबीसीले जनाएको छ ।
