सेनाका सकल दर्जालाई पनि आवास सुविधा

काठमाडौं । सरकारले नेपाली सेनाको क्षमता विकासमा ध्यान दिने भएको छ ।

सेनाको संरचनात्मक सुदृढीकरण गरी बंकरदेखि व्यारेक कार्यक्रमलाई निरन्तरता दिई सकल दर्जाका सैनिकलाई आवास सुविधा उपलब्ध गराउने भएको हो ।

शुक्रबार राष्ट्रपति रामचन्द्र पौडेलले संसद्को संयुक्त सभामा सरकारको आगामी आर्थिक वर्ष २०८२/८३ को नीति तथा कार्यक्रम प्रस्तुत गर्दै सेनाको सुदृढीकरण सरकारको प्राथमिकतामा रहेको बताए ।