उपत्यका व्यापी र नगरस्तरीय ब्याडमिन्टन प्रतियोगिता हुँदै

काठमाडौं । जोरपाटी ब्याडमिन्टन क्लबले प्रतियोगिता सञ्चालन गर्ने भएको छ । क्लबले गोकर्णेश्वर नगरपालिका नगरस्तरीय तथा काठमाडौं उपत्यकाव्यापी ब्याडमिन्टन प्रतियोगिता–२०८० सञ्चालन गर्न लागेको हो ।

क्लबका अध्यक्ष दीपक लामाका अनुसार गोकर्णेश्वर नगरपालिका नगरस्तरीय प्रतियोगितामा मेन्स डबल्स र भेट्रान्स डबलको खेल हुनेछ । मेन्स डबल्सका प्रथम, द्वितीय र तृतीयलाई प्रमाण–पत्र, मेडल, ट्रफीसहित नगद २० हजार, १० हजार र ५००० हजार प्रदान गरिनेछ ।

त्यस्तै भेट्रान्स डबल्सतर्फ प्रथम, द्वितीय र तृतीय हुनेलले प्रमाण–पत्र, भेडल, ट्रफी तथा नगद क्रमश २० हजार, १० हजार र ५ हजार प्राप्त गर्नेछन् ।

यसैगरी काठमाडौं उपत्यकाव्यापी प्रतियोगिता अन्तर्गत मेन्स डबल्स, भेट्रान्स डबल्स र सुपर भेट्रान्स डबल्सको खेल हुनेछन् । मेन्स डबल्स र भेट्रान्स डबल्सका प्रथम, द्वितीय र तृतीयलाई क्रमशः १५ हजार, ८ हजार र ४ हजार नगदसहित प्रमाण–पत्र, मेडल र ट्रफी प्रदान गरिने आयोजकले जनाएको छ ।

त्यस्तै सुपर भेट्रान्स डबल्सका प्रथम, द्वितीय र तृतीयलाई क्रमशः १० हजार, ५ हजार र ३ हजार नगदसहित प्रमाण–पत्र, मेडल र ट्रफी प्रदान गरिनेछ ।

प्रतियोगिता जेठ १३ देखि १५ गतेसम्म सञ्चालन हुने क्लबका सचिव कृष्ण थापाले जानकारी दिए ।