प्रहरीमा २१ जना बरिष्ठ सई र १ जना सई बढुवाका लागि सिफारिस, को–को भए सिफारिस ? (नामसहित)
नव नेपाल |
काठमाडौं । नेपाल प्रहरीको प्राविधिक समूहको स्वास्थ्य उपसमूहका साथै प्यारामेडिक्स र इन्जिनियरिङतर्फको प्रहरी बरिष्ठ नायब निरिक्षक (बरिष्ठ सई) र प्रहरी नायब निरीक्षक (सई) को बढुवा सूची प्रकाशित गरेको छ । बढुवा समितिका अनुसार २१ जना बरिष्ठ सई र १ जना सईमा बढुवा सिफारिस भएका छन् ।
प्रहरी प्रधान कार्यालयको बढुवा समितिको सचिवालयका अनुसार स्वास्थ्य समूहको बरिष्ठ सईमा बढुवाका लागि चार जना सिफारिस भएका छन् । सिफारिसअनुसार विद्या पौडेल, रोना मगर, निर्मला कुमारी साउद र वृद्धि श्रेष्ठ बढुवाको सूचीमा परेका छन् ।
त्यस्तै स्वास्थ्य समूहकै अन्यतर्फ सुरेन्द्र बहादुर आचार्य बरिष्ठ सईमा बढुवा सिफारिस भएका छन् ।
त्यस्तै स्वास्थ्य उपसमूहको प्यारामेडिक्सतर्फबाट ६ जना बढुवासिफारिस भएका छन् । जसअनुसार उमेशकुमार साह, राधाकुमारी तामाङ, अनिल लामिछाने, खेमबहादुर बोहरा, घनश्याम प्रसाद यादव र ताराकुमारी थापा बढुवाका लागि सिफारिस भएका छन् ।
त्यस्तै इन्जिनियरिङ उपसमूहतर्फ बरिष्ठ सईका लागि ७ जना सिफारिस भएका छन् । बढुवाको सिफारिस हुनेमा शम्भुप्रसाद पौडेल, तिलकबहादुर शाही, उद्धवराज भट्ट, सुनकाजी तामाङ, दिपबहादुर खड्का, खड्गबहादुर थापा र दिपेन्द्र प्रसाद जैसवार बढुवाको लागि सिफारिस भएका छन् ।
त्यस्तै इन्जिनिरिङ समूहको सूचना प्रविधितर्फ शिरोमणि भण्डारी र पुलवराज गिरी बरिष्ठ सईका लागि सिफारिस भएका छन् ।
त्यस्तै इन्जिनियरिङको आवास तथा भौतिकतर्फ बरिष्ठ सईका लागि धिरेन्द्र देव बढुवा सिफारिस भएका छन् ।
त्यस्तै इन्जिनियरिङको आवास तथा भौतिकतर्फ सईका लागि अक्षयकुमार नेपाल बढुवा सिफारिस भएका छन् ।
