राैतहटमा स्काेरपियो दुर्घटना हुँदा ८ काे मृत्यु, ५ घाइते

रौतहट । रौतहटमा गएराति स्कोरपियो दुर्घटना हुँदा ८ जनाको मृत्यु भएको  छ ।

चन्द्रपुर नगरपालिकास्थित पूर्वपश्चिम राजमार्गको धन्सार–लमाहा खण्डमा भएको दुर्घटनामा बालबालिकासहित ५ जना घाइते छन् । घाइतेमध्ये एक जनाको अवस्था गम्भीर छ ।

बाराको गढीमाई मेलामा सहभागी भएर सिराहा फर्कँदै गरेका दर्शनार्थी चढेको बा १६ च ३१६२ नम्बरको स्कोरपियो राति सवा १ बजे अनियन्त्रित भइ रुखमा ठोक्किएको जिल्ला प्रहरी कार्यालय रौतहटले जानकारी दिएको छ ।

जिप सडक छेउको रुखमा ठोक्किँएर तल खसेको थियो । प्रहरीका अनुसार दुर्घटनामा परी सिराहा अर्नामा गाउँपालिका–३ बंठियाटोलका ६० वर्षीया लरुवती देवी महरा, ३० वर्षीया उर्मिला महरा, ५० वर्षीया रामकुमारी महरा, ५५ वर्षीया महगीं देवी महरा, ६२ वर्षीया फुलमन्ति देवी चमार, ६० वर्षीया रामकुमारी देवी महरा, ३० वर्षीया सकुन्तला देवी महरा र ४० वर्षीय स्कर्पिओ चालक श्रीकुमार यादवको मृत्यु भएको छ ।

दुर्घटनामा परी घाइते भएका ५ जनाको उपचार भइरहेको छ।