नेपाल १७२ रनमा अलआउट, कुशल भुर्तेलले बनाए ६६ रन
नव नेपाल |
काठमाडौं । आईसीसी विश्व क्रिकेट लिग २ को जारी सिरिजमा नेपालले नेदरल्याण्ड्सलाई १७३ रनको लक्ष्य प्रस्तुत गरेको छ ।
कुशल भुर्तेलको ६६ रनका साथ नेपालले ४९.३ रन बनाउँदा सबै विकेट गुमाउँदै १७२ रन बनाएको हो ।
नेपालका लागि करण केसीले २६ रन बनाए भने आरिफ शेखले २२ रन बनाएका थिए ।
त्यस्तै नेपालका लागि आशिफ शेखले १७ रन बनाउँदा कप्तान रोहित पौडेल १६ रनमा आउट भए ।
उत्कृष्ट सुरुवात गरेको नेपालका लागि कुशल भुर्तेलबाहेक अन्य खेलाडीको प्रदर्शन बिर्सनलायक हुँदा १७२ रनमा खुम्चियो ।
नेपालका लाग अनिल शाहले ७ रन बनाए भने गुल्सन झा ५ रनमा आउट भए ।
नेदरल्याण्ड्सका लागि भिभाव किंग्मा र आर्यन दत्ताले ३/३ विकेट लिएका छन भने बास दे लिड्डेले २ विकेटले दिएका छन् ।
