पहिरोले मुग्लिङ-नारायणगढ सडक अवरूद्ध
नव नेपाल |
चितवन । चितवनको मुग्लिङ नारायणगढ सडक खण्ड अन्तर्गत कालिखोलामा पहिरो खस्दा राजमार्ग अवरुद्ध भएको छ ।
कालिखोला र यसको नजिकको विभिन्न स्थानमा साना ठुला पहिरो आएर राजमार्ग अवरुद्ध भएको हो ।
जिल्ला ट्राफिक प्रहरी कार्यालय चितवनका अनुसार बिहान ७ बजेबाट अवरुद्ध सडक खुलाउने प्रयास जारी छ ।
पानी परिराखेकाले परिहो पन्छाउन कठिन भएको डिभिजन सडक कार्यालय भरतपुरले जनाएको छ । बाटो अवरुद्ध भएपछि सवारी साधन रोकिएका छन् ।
