कांग्रेसको ‘ह्वीप’: प्रधानमन्त्री प्रचण्डलाई विश्वासको मत
नव नेपाल |
काठमाडौं । नेपाली कांग्रेसले प्रधानमन्त्री पुष्पकमल दाहाल ‘प्रचण्ड’लाई विश्वासको मत दिने निर्णय गरेको छ ।
आइतबार मध्यान्ह बसेको संसदीय दलको बैठकबाट प्रधानमन्त्री प्रचण्डको पक्षमा मतदान गर्न सांसदलाई ‘ह्वीप’ जारी गर्ने निर्णय गरिएको प्रमुख सचेतक रमेश लेखकले जानकारी दिए ।
यस्तै, आजैदेखि संसद् बैठकमा सत्तापक्षको बेन्चमा बस्ने निर्णय गरिएको उनले बताए ।
दलको बैठकबाट सांसद डा। चन्द्र भण्डारीको स्वास्थ्यलाभको कामना गरेको गरिएको छ । नवनिर्वाचित राष्ट्रपति र उपराष्ट्रपतिलाई बधाई दिँदै सफलताको कामना समेत गरिएको लेखकले जानकारी दिए ।
