वामपन्थी नेता मानन्धरको निधनले दु:खी तुल्यायो : राष्ट्रपति
नव नेपाल |
काठमाडाैं – राष्ट्रपति विद्यादेवी भण्डारीले वामपन्थी तथा लोकतान्त्रिक आन्दोलनका नेता विष्णु बहादुर मानन्धरको निधनले दुःखी तुल्याएको बताएकी छन् ।
मंगलवार सामाजिक सञ्जाल ट्वीटरमा एक ट्वीट गर्दै राष्ट्रपति भण्डारीले स्वर्गीय मानन्धरप्रति श्रद्धाञ्जली व्यक्त गर्दै शोक सन्तप्त परिवारमा गहिरो समवेदना प्रकट गरेकी छन् ।
उनले भनेकी छन्,’नेपालको वामपन्थी तथा लोकतान्त्रिक आन्दोलनका नेता विष्णु बहादुर मानन्धरको निधनको खबरले मलाई दु:खी तुल्याएको छ । स्वर्गीय मानन्धरप्रति हार्दिक श्रद्धाञ्जली व्यक्त गर्दै शोक सन्तप्त परिवारमा गहिरो समवेदना प्रकट गर्दछु ।’
वरिष्ठ वामपन्थी नेता मानन्धरको आइतवार ८७ वर्षको उमेरमा आइतवार निधन भएको थियो ।
