बुहारीले गरिन् ८७ वर्षीय वृद्ध ससुराको हत्या
नव नेपाल |
गुल्मी – गुल्मीमा ससुरा हत्याको आरोपमा प्रहरीले बुहारीलाई पक्राउ गरेको छ । गुल्मीमा केही दिन अघि एक बृद्ध घरमा मृत फेला परेका थिए ।
फागुन ८ गते साझ जिल्लाको रुरुक्षेत्र गाउँपालिका ३ साबिक धोर्गा गाबिसको झमेरेपोखराका ८७ वर्षीय वृद्ध नन्दकुमार ज्ञवाली घरमा मृत फेला परेका हुन्।
प्रहरीले अनुसन्धानका क्रममा उनकी ४२ वर्षीया कान्छी बुहारी मनकला ज्ञवालीले हत्या गरेको आशंकामा पक्राउ गरि फागुन ९ गते अदालतमा म्याद थप गरी अनुसन्धान गरिएको जिल्ला प्रहरी प्रमुख प्रविणलाल श्रेष्ठले जानकारी दिए । प्रहरीका अनुसार मृतकको टाउकोमा चोट छ ।
