देशभर १६५९४ परिक्षणमा थप ३६५१ मा कोरोना संक्रमण, २२ को मृत्यु
नव नेपाल |
काठमाडौं । नेपालमा पछिल्लो २४ घण्टामा देशभर ३६५१ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयले दिएको जानकारी अनुसार पीसीआर परीक्षणबाट २६०९ जना र एन्टिजेन परीक्षणबाट १०४२ जनामा संक्रमण पुष्टि भएको हो ।
२४ घण्टामा जम्मा १६ हजार ५९४ नमुना परीक्षण भएको छ । जसमा पीसीआर परीक्षण १० हजार ४४५ र एन्टिजेन परीक्षण ६ हजार १४९ भएको मन्त्रालयले जानकारी दिएको छ ।
स्वास्थ्य मन्त्रालयका अनुसार २४ घण्टामा १७८४ जना कोरोनामुक्त भएका छन् । कोरोनाबाट २२ जनाको मृत्यु भएको छ ।
हालसम्म पिसिआर विधिबाट ७ लाख १७ हजार ४८६ जना र एन्टिजेन ६९ हजार ५२० विधिबाट जनामा कोरोना पुष्टि भएको छ ।
कोरोना मुक्त हुनेको संख्या ६ लाख ७१ हजार ८३ पुगेको छ । कोरोनाबाट मृत्यु हुनेको कुल संख्या १० हजार ११५ पुगेको छ ।
