ओलम्पिकमा पदक जित्ने खेलाडी मालामाल: कोही एकै दिनमा करोडपति, सरकारी जागिर पनि उपहार
नव नेपाल |
नयाँ दिल्ली – टोकियो ओलम्पिकमा भारतका लागि मेडल जित्ने खेलाडीहरूमाथि पुरस्कारको वर्षा सुरु भएको छ । भारोत्तोलनकी खेलाडी मीराबाई चानूदेखि लिएर पहलवान रवि दहिया एकै दिनमा करोडपति बनेका छन् । ओलम्पिकमा देशको प्रतिनिधित्व गर्ने अन्य खेलाडीहरूलाई पनि पुरस्कारको घोषणा भइरहेका छन् ।
२. ब्याडमिन्टन खेलाडी पीवी सिन्धुलाई आन्ध्र सरकारले ३० लाख लिने
भारतलाई ब्याडमिन्टनमा काँस्य पदक दिलाउने पीवी सिन्धुलाई आन्ध्र प्रदेश सरकारले ३० लाख रुपैयाँ दिने घोषणा गरेको छ । यसको साथै इन्डियन ओलम्पिक एसोसिएसनले पनि सिन्धुलाई थप २५ लाख रुपैयाँ दिने घोषणा गरेको छ । लगातार दुई ओलम्पिकमा मेडल जित्ने सिन्धु पहिलो भारतीय महिला हुन् । सन् २०१६ को रियो ओलम्पिकमा पनि उनले रजत पदक जितेकी थिइन् ।
३. बक्सर लवलिना बोगोहेनको गाउँमा सडक बनाइयो
बक्सिङ खेलाडी लवलिना बोरगोहेनले टोकियो ओलम्पिकमा काँस्य पदक जित्न सफल रहिन् । असमको गोलाघाट निवासी लवलिनालाई असम सरकारले ठूलो पुरस्कार दिएको छ । यो पुरस्कारले उनको गाउँका बासिन्दा पनि खुसी भएका छन् । उनको गाउँको सडक कयौँ वर्षदेखि बिग्रेको थियो । लवलिनाको जितपछि उक्त सडक मर्मत गरिएको छ ।
४. हकीका खेलाडीलाई १ करोडदेखि साढे २ करोडसम्मको पुरस्कार
ओलम्पिको इतिहासमा ४१ वर्षपछि पदक जित्ने भारतीय हकी टोलीका सदस्यहरू पनि करोडपतिको सूचीमा सामेल भएका छन् । पञ्जाब सरकारले टीममा समावेश १० खेलाडीलाई १–१ करोड रुपैयाँ दिने घोषणा गरेको छ । उता मध्य प्रदेशका मुख्यमन्त्री शिवराज सिंह चौहनले टीममा समावेश आफ्ना प्रदेशका दुई खेलाडी विवेक सागर र नीलकान्ता शर्मालाई थप १–१ करोड दिने घोषणा गरेका छन् । मणिपुर सरकारले पनि नीलकान्ता शर्मालाई ७५ लाख रुपैयाँ नगद र सरकारी जागिर दिने घोषणा गरेको छ । नीलकान्ता अहिले रलेवेमा टीसीको काम गर्दै आइरहेका छन् ।
हरियाणा सरकारले पनि राज्यका दुई खेलाडीलाई साढे २ करोड रुपैयाँ नगद र खेल विभागमा जागिरका साथै छुटसहित जमिन दिने घोषणा गरेको छ । उता, हिमाचल प्रदेश सरकाले आफ्नो एक खेलाडी वरुण कुमारलाई ७५ लाख रुपैयाँ नगद दिने घोषणा गरेको छ ।
५. पहलवान रवि दहियालाई ४ करोड नगद, क्लास वान सरकारी जागिर
हरियाणाका मुख्यमन्त्री मनोहर लाल खट्टरले टोकियो ओलम्पिकमा रजत पदक जित्ने रवि दहियालाई चार करोड रुपैयाँ नगदका साथै क्लास वान सरकारी जागिर र छुटमा जमिन दिने घोषणा गरेका छन् ।
५. महिला हकी खेलाडीलाई घर र कारका लागि सहयोग गर्ने
सूरतका हिरा कारोबारी सावजी ढोलकियाले महिला हकी खेलाडीहरूलाई घर र कारका लागि सहयोग गर्ने घोषणा गरेका छन् । उनले सामाजिक सञ्जालमा लेख्दै हरेक खेलाडीलाई घर किन्न सहयोग गर्न ११ लाख रुपैयाँ र घर भएकाहरूलाई कार किन्न पाँच लाख रुपैयाँ दिने बताएका छन् ।
पदक विजेता, प्रशिक्षक र खेलाडीलाई रलवेले पुरस्कार दिने
रेलवेले टोकिलयो ओलम्पिकमा पदक जित्ने खेलाडी र उनीहरूको प्रशिक्षकलाई नगद पुरस्कार दिने घोषणा गरेको छ । रेवलेले स्वर्ण जित्नेलाई ३ करोड, उनको प्रशिक्षकलाई २५ लाख, रजत जित्नेलाई २ करोड र प्रशिक्षकलाई २० लाख र काँस्य जित्ने खेलाडीलाई १ करोड र प्रशिक्षकलाई १५ लाख दिने बताएको छ । त्यस्तै ओलम्पिकमा भाग लिने सबैलाई साढे सात लाख रुपैयाँ दिने बताएको छ ।
भारतीय ओलम्पिक सङ्घले पनि पुरस्कार दिने
उता, भारतीय ओलम्पिक सङ्घले पनि पदक विजेताहरुलाई नगद पुरस्कार घोषणा गरेको छ । सङ्घले स्वर्ण विजेतालाई ७५ लाख, रजत विजेतालाई ४० लाख र काँस्य पदक विजेतालाई २५ लाख दिने बताएको छ ।
प्रधानमन्त्री नरेन्द्र मोदीले १५ अगस्तमा लाल किलामा भारतीय ओलम्पिक दलका सदस्यहरूलाई विशेष अतिथिका रूपमा आमन्त्रण गर्नेछन् । सोही दिन पदक विजेताहरूसँग आफ्नो आवासमा छलफल गर्नेछन् । दैनिक भास्कार
