राजधानीबाटै अमेरिकन पेस्तोलसहित एक युवक पक्राउ

काठमाडौं । राजधनीको रानीवनबाट अमेरिकन पेस्तोलसहित एक युवक पक्राउ परेका छन् ।

राजधानीको रानीवन क्षेत्रमा एक व्यक्तिले पेस्तोल देखाई त्रसित बनाइरहेको खबर पाएपछि प्रहरी वृत्त स्वयम्भुबाट खटिएको प्रहरीको टोलीले दैलेख जिल्लाको भगवतीमाई गाउँपालिका घर भई हाल रानीवन बस्दै आएका अनिल खड्कालाई पक्राउ गरेको हो ।

खड्काले नागार्जुन नगरपालिकाको वडा नं. १ रानीवन को वडा कार्यालयको एरियामा म्यागेजिनसहितको पेस्तोल बोकेर स्थानीयलाई त्रसित बनाइरहेको खबर पाएपछि प्रहरीले उनलाई पक्राउ गरेको हो ।

खड्काको कोठामा खोजतलास गर्दा AUTO PISTAL USA 65 NO 1 लेखिएको पेस्तोल र खाली म्यागजिन फेला परेको जनाइएको छ ।

खड्कालाई अहिले प्रहरी हिरासतमा राखी अनुसन्धान भइरहेको पनि जनाइएको छ ।