क्यासिनो प्यालेसबाट १ करोड नगदसहित ९ जना पक्राउ
नव नेपाल |
काठमाडौं । जिल्ला प्रहरी परिसर काठमाडौंको टोलीले दरबारमार्गस्थित क्यासिनो प्यालेसबाट ९ जनालाई पक्राउ गरेको छ ।
प्रहरीले क्यासिनो प्यालेसको अण्डर ग्राउण्डमा अनलाइनमार्फत सट्टेबाटी गराएको आरोपमा ९ जनालाई पक्राउ गरेको हो ।
पक्राउ पर्नेहरूमध्ये ३ जना भारतीय र ६ जना नेपाली छन् । आरोपीहरूको साथबाट करिब १ करोड बरामद गरेर अनुसन्धान भइरहेको काठमाडौं प्रहरी परिसरले जनाएको छ ।
बरामद रकममध्ये धेरै विदेशी मुद्रा रहेको बताइएको छ । उनीहरू अनलाइन जुवा खुलाउन संलग्न रहेको बताएपनि प्रहरीले थप खुलाएको छैन ।
