बुटवलको महालक्ष्मी सलाई उद्योगमा आगलागी, ४ करोड बढीको क्षति
नव नेपाल |
बुटवल । रूपन्देहीको बुटवल उपमहानगरस्थित एक सलाई उद्योगमा आगलागी भएको छ । बुटवल उपमहानगरपालिका–१५ स्थित महालक्ष्मी मैच फ्याक्ट्रीमा हिजो (मंगलबार) राति ८ बजेदेखि १२ बजेसम्म आगलागी भएको हो ।
आगलागी हुँदा चार करोड बढी क्षति भएको उद्योगका सञ्चालक राजेन्द्र ढकालले दाबी गरेका छन् ।
रुपन्देहीसहित छिमेकी जिल्लाका स्थानीय तहबाट आएका ८ वटा दमकलले चार घण्टामा आगलागी नियन्त्रणमा लिएको इलाका प्रहरी कार्यालय बुटवलका प्रमुख डिएसपी ठगबहादुर केसीले बताए ।
आगलागीबाट उद्योगको भवन, कच्चा पदार्थ र तयारी उत्पादन सबै जलेर पूर्णरुपमा नष्ट भएको प्रहरीले जनाएको छ ।
उद्योगको विद्युत् सर्ट भएर आगलागी भएको हुनसक्ने अनुमान गरिएको र घटनाबारे थप अनुसन्धान हुने डिएसपी केसीले बताए ।
