वर्षासँगै उपत्यकाका चारैतर्फ हिँउ, यस्तो छ चन्द्रागिरीको ताजा अवस्था (तस्बिरहरु)
नव नेपाल |
काठमाडौं । आज देशका अधिकांश स्थानमा हल्का वर्षा भइरहेको छ भने उच्च पहाडी तथा हिमाली भू–भागमा हिमपात भइरहेको छ ।
उपत्यकाको चारैतर्फका अग्ला डाँडाहरुमा हिँउ परेको समाचार आईरहेका छन् ।
उपत्यकाको चन्द्रागिरी, फुलचोकी, सुन्दरीजल चिसापानीलगायतका क्षेत्रमा हिँउ परेको स्थानीयहरुले जनाएका छन् ।
नेपालमा पश्चिमी न्यून चापीय प्रणालीको प्रभाव रहेकोले अहिले सामान्यदेखि पूर्ण बदली रही अधिकांश स्थानहरूमा हल्का वर्षा भइरहेको मौसम पूर्वानुमान महाशाखाले जनाएको छ ।
काठमाडौंको चन्द्रागिरीमा अहिले हिमपात भइरहेको छ भने उपत्यकाभर पानी परिरहेको छ ।
मौसमी प्रणालीका कारण पर्वतारोहण, हवाई, यातायात लगायत दैनिक जनजीवनमा समेत असर पर्न सक्ने देखिएकोले चिसोबाट बच्न र हिमपातबाट हुन सक्ने प्रभावबाट जोगिन आवश्यक सतर्कता अपनाउन महाशाखाको अनुरोध छ ।
तस्बिरहरुः
