आजको राशिः मीनको स्वास्थ्यमा सुधार हुँदा अन्यको दिन कस्तो ?

काठमाडौं । आज २०८१ साल चैत २१ गते बिहीबार चैत शुक्ल पक्षको षष्ठी तिथि। तदनुसार सन् २०२५ अप्रिल ३ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ। ज्योतिष पण्डित सूर्यनाथ लुइटेलले तयार पार्नुभएको आजको फलादेशः

मेष : दिन राम्रो छ। साथीसँग सहकार्य गरेर अगाडि बढेमा फाइदा हुनेछ। राजनीतिक क्षेत्रमा समस्या आउने देखिन्छ। रोगसँग लड्ने क्षमता बढ्नेछ। व्यापारमा गरेको लगानीबाट राम्रो फाइदा हुनेछ।

वृष : तपाईंको बोलीको कारण व्यवहार अप्ठेरोमा पर्ने जोखिम छ। धनस्थानमा चन्द्रमा भएकाले धनको सदुपयोग गर्नुपर्नेछ। शिक्षामा गरेको प्रयास सफल बन्नेछ। भाग्यलाई फर्किनु भन्दा कर्म गरेमा फाइदा हुनेछ।

मिथुन : बोलीमा प्रभाव रहेकाले थोरै बोलेर अगाडि बढ्दा व्यापारमा हुनेछ। बोली र व्यवहारमा एकरुपता नहुँदा समस्या बढ्नसक्ने जोखिम छ। धार्मिक अभियान्तासँगको भेटले मन शान्त बन्नेछ। परिवारमा खटपटी बढ्ने जोखिम छ।

कर्कट : दिन सामान्य छ। सञ्चित धन अनुत्पादक क्षेत्रमा खर्च हुनेछ। आज ठुलो कामको सुरुवात गर्नु राम्रो हुनेछ। खानपानमा ख्याल नगर्दा रोगले सताउने जोखिम छ। परिवारको सहयोग प्राप्त हुनेछ।

सिंह : आम्दानीका दृष्टिले दिन राम्रो छ। परिवारमा मेलमिलाप हुनेछ। सामूहिक घुमघामको अवसर प्राप्त हुनेछ। स्वास्थ्यमा सुधार हुँदा मन शान्त बन्नेछ। बोली र व्यवहारमा एकरुपता हुनु आवश्यक छ।

कन्या : शिक्षाको क्षेत्रमा प्रगति हुनेछ। परीक्षा लेखेको भए राम्रो नतिजा प्राप्त हुनेछ। स्वास्थ्यले साथ दिँदा मन खुशी रहनेछ। धार्मिक क्षेत्रमा मन जाने योग रहेको छ।

तुला : तपाईंको प्रतिभाको प्रदर्शन गर्ने दिन छ। निजी क्षेत्रको शिक्षामा प्रगति हुनेछ। लगानी गर्ने हिम्मत गर्नुपर्नेछ। गुरुको कुरा सुनेर अगाडि बढेमा फाइदा हुनेछ। परिवारको सल्लाह लिएर अगाडि बढ्नुपर्ने समय छ।

वृश्चिक : दिन सामान्य छ। साना कुराले मनमा झन्झट बढ्नेछन्। प्राविधिक शिक्षामा गरेको प्रयास सफल बन्नेछ। परिवारका सदस्यले भन्दा बाहिरका व्यक्तिले प्रशंसा गर्नेछन्। धार्मिक कार्यमा सहभागी भएर दिनको सुरुवात गर्नुहोला।

धनु : दिन राम्रो छ। राम्रो कामको सुरुवात गर्नुपर्ने समय आएको छ। संस्कार र संस्कृतिप्रति मन जानेछ। राज्यले सेवाको अवसर प्रदान गर्नेछ। परिवारको साथमा बसेर रमाइलो गर्ने अवसर मिल्नेछ।

मकर : दिन सामान्य छ। विश्वास गरेका साथीसमेत विपक्षी कित्तामा पुगेकाले गोपनीयता भंग हुने जोखिम छ। परिवारमा मेलमिलाप हुनेछ। प्रेम सम्बन्ध सुमधुर बन्नेछ। स्वास्थ्यमा सुधार हुनेछ।

कुम्भ : शिक्षाको क्षेत्रमा जाँगर बढ्नेछ। खानपानमा विशेष ख्याल गर्नुपर्नेछ। गुरुको साथमा अगाडि बढेमा प्रगति हुनेछ। धर्मिक कार्यमा सहभागी भएर दिनको सुरुवात गरेमा नाफा हुनेछ।

मीन : स्वास्थ्यमा सुधार हुनेछ। व्यापारमा सामूहिक लगानीबाट फाइदा हुनेछ। परिवारको साथमा अगाडि बढ्दा दिन सहज बन्नेछ। गोप्य कुरा साथीसँग शेयर नगर्नु उचित हुनेछ। संकटमा परिवारको साथ र सहयोग मिल्नेछ।