सिन्धुपाल्चोक भूकम्प अपडेटः भाग्न लागेका कैदीको हात भाँच्चियो, अन्त कहाँ के भयो क्षति ?
नव नेपाल |
काठमाडौं । काठमाडौँ उपत्यकामा भूकम्पको धक्का महसुस गरिएको छ ।
शुक्रबार बिहान २ बजेर ५१ मिनेटमा भूकम्पको धक्का महसुस गरिएको थियो ।
राष्ट्रिय भूकम्प मापन केन्द्रका अनुसार भूकम्पको केन्द्रबिन्दु रहेको तुसारेस्थित दुगुनागढीमा पहिरो गएको हो । भूकम्प ६.१ रेक्टर स्केलको रहेको केन्द्रले जानकारी दिएको छ ।
रातको समयमा भएपनि उपत्यकालगायतका क्षेत्रमा धक्का महसुस पछि स्थानीय घरबाहिर निस्किएका थिए ।
प्रारम्भिक जानकारीअनुसार सिन्धुपाल्चोक कारागारको दोस्रो तलाबाट हाम फालेका एक कैदीको हात भाँच्चिएको छ भने अन्य क्षतिको विवरण हालसम्म आइुपुगेको छैन । त्यस्तै कोदारी प्रहरी चाैकीको भवन चर्किएको जनाइएको छ ।
त्यस्तै सिन्धुपाल्चोकको दुगुनागढीमा सुख्खा पहिरो गएको जनाइएको छ ।
केन्द्रबिन्दु रहेको गाउँपालिकाको पुराना घरहरू चर्किएको जनाइएको छ ।
भूकम्पको धक्का उपत्यकालगायत देशका प्रायः सम्पूर्ण भूभागमा महसुस भएको थियो ।
भूकम्पका कारण नेपालको पूर्वी क्षेत्रमा पनि धक्का महसुस गरिएको थियो ।
हालसम्म देशका अन्य स्थानबाट पनि क्षतिको विवरण आइसकेको छैन ।
