गल्याङका जुम्ल्याहा दिपेश र दीपिकाले गुमाए आमासँगै झ्याप्लेखोला पहिरोमा ज्यान
नव नेपाल |
काठमाडाैं । स्याङजाको गल्याङ नगरपालिका- ३ का दिपेश भट्टराई र दीपिका भट्टराई जुम्ल्याहा दाजु-बहिनी हुन् ।
बुटवलको कालिका मानवज्ञान माध्यमिक विद्यालय कक्षा १० मा अध्ययनरत उनीहरू नेपाल एस्ट्रोनोमिकल सोसाइटीको आयोजनमा भएको नेसनल एस्ट्रोनोमी ओलम्पियार २०२४ मा भाग लिएका थिए । पहिलो चरणमा छनोट भएर दोस्रो चरणको लागि बंगलादेश पुग्नुपर्ने थियो ।
त्यसकै लागि उनी शुक्रबार काठमाडौं आउँदै थिए । तर, बुटवलबाट काठमाडौंका लागि छुटेको लु १ ज ४५७८ नम्बरको माइक्रो (विङ्गर) मा टिकट काटेर चढेका उनीहरू काठमाडौं पुगेनन् । धादिङको झ्याप्ले खोलाको पहिरोमा पुरिएर उनीहरूसहित आमा सीता भट्टराईले पनि ज्यान गुमाएकी छन् ।
उनीहरू चढेकाे गाडीका चालकसहित १४ जनाले सोही पहिरोमा परी ज्यान गुमाएका छन् ।
