नवनियुक्त प्रधानसेनापति सिग्देललाई दर्ज्यानी चिह्न, बने ४५औं प्रधानसेनापति
नव नेपाल |
काठमाडौं । राष्ट्रपति रामचन्द्र पौडेलले नवनियुक्त प्रधानसेनापति अशोकराज सिग्देललाई दर्ज्यानी चिह्न प्रदान गरेका छन्।
राष्ट्रपति पौडेलले राष्ट्रपति भवन शीतल निवासमा आयोजित एक विशेष समारोहबीच नेपाली सेनाको ४५औं प्रधानसेनापति सिग्देललाई सो दर्ज्यानी चिह्न प्रदान गरेका हुन्।
सोही समारोहमा राष्ट्रपति पौडेलले सिग्देललाई प्रधानसेनापति पद तथा गोपनीयताको शपथ ग्रहण पनि गराए।
राष्ट्रपति पौडेल नेपाली सेनाको परमाधिपति हुने व्यवस्था छ ।
सिग्देललाई राष्ट्रपति पौडेलले भदौ १२ गते नै प्रधानसेनापति पदमा आजबाट लागु हुने गरी नियुक्त गरेका थिए।
