नाबालिकालाई दैनिक ५ देखि १५ जनासँग यौनसम्पर्क गर्न लगाउने श्रृजना र रमिला पक्राउ
नव नेपाल |
काठमाडौं । नाबालिकालाई यौन क्रियाकलापमा लगाएको आरोपमा दुई महिला पक्राउ परेका छन् ।
प्रहरीका अनुसार पक्राउ पर्नेहरुमा दोलखाको जिरी नगरपालिका-९ बस्ने २५ वर्षीया मञ्जु भनिने श्रृजना तामाङ घिसिङ र नुवाकोटको बलकोटगढी नगरपालिका–४ बस्ने २६ वर्षीया निशा भनिने रमिला नेपाली छन् ।
मानव बेचबखिचन अनुसन्धान ब्यूरोको टोलीले उनीहरुलाई मित्रपार्कबाट पक्राउ परेको हो । उनीहरुले काठमाडौंको मित्रपार्कमा ‘स्वागतम रेष्टुरेन्ट एण्ड बार’ सञ्चालन गरी नाबालिकालाई उनीहरुको इच्छा विपरीत यौन क्रियाकलापमा लगाउने गरको पाइएको ब्यूरोका एसपी तथा प्रवक्ता गौतम मिश्रले बताए ।
उनीहरुले आर्थिक अवस्था कमजोर भएका बालिकाहरुलाई वेटरको काम भन्दै जबरजस्ती यौन क्रियाकलापमा लगाउने गरेको आरोप छ । दैनिक ५ देखि १५ जना ग्राहकसँग यौनसम्पर्क गर्न लगाई रेष्टुरेन्ट सञ्चालकले रकम उठाउने गरेको प्रारम्भिक अनुसन्धानबाट खुलेको छ ।
ग्राहकले दिएकोमध्ये आधा रकम नाबालिकालाई दिने प्रलोभन देखाए पनि उक्त रकम समेत उनीहरुले नदिने गरेको प्रहरीले जनाएको छ ।
पक्राउ परेकाहरुविरुद्ध मानव बेचखिन तथा आसोरपसारको कसुरमा काठमाडौं जिल्ला अदालतबाट ३ दिनको म्याद लिएर अनुसन्धान अघि बढाइएको छ ।
