उपप्रधानमन्त्री खड्का सैनिक अस्पतालमा भर्ना
नव नेपाल |
काठमाडाैं – उपप्रधान एवं रक्षामन्त्री पूर्णबहादुर खड्का अस्पताल भर्ना भएका छन् ।
प्रोस्टेडबाट पीडित खड्कालाई बुधवार विरेन्द्र सैनिक अस्पताल छाउनीमा भर्ना गरिएको उनको सचिवालयले जनाएको छ ।
सचिवालयका अनुसार उनको बुधवार राति नै प्रोस्टेडको अपरेसन गरिएको छ । उनको स्वास्थ्य अवस्था अहिले सामान्य छ।
उनलाई केही दिन अस्पतालमै बस्न चिकित्सकहरुले सुझाव दिएका छन् ।
उनलाई भेट्नका लागि अस्पतालमा नेपाली कांग्रेसका नेता तथा कार्यकर्ता पुगीरहेका छन् ।
बिहीवार दिउँसो नेपाली कांग्रेसका सांसद रामहरि खतिवडा पनि उनलाई भेट्न अस्पताल पुगेका थिए ।
अस्पताल पुगेर उनले मन्त्री खड्काको पूर्ण स्वास्थ्य लाभको कामना गरेका छन् ।
