अमेरिकाविरूद्ध नेपालले पायो १५७ रनको लक्ष्य
नव नेपाल |
काठमाडौं । अमेरिकाविरुद्ध नेपालले १५७ रनको लक्ष्य पाएको छ ।
टी–२० सिरिज गुमाइसकेको अमेरिकाले टस जितेर पहिले ब्याटिङ गरेको अमेरिकाले निर्धारित २० ओभरमा ५ विकेटको क्षतिमा १५६ रन बनाउँदै नेपाललाई उक्त लक्ष्य दिएको हो ।
अमेरिकाका लागि सैतेजा मुकामलाले ५१ बलमा विस्फोटक ६८ रनको पारी खेलेका थिए । उनलाई सोमपाल कामीले आउट गराएका थिए । नेपालका लागि सोमपाल कामीले उत्कृष्ट बलिङ गर्दै अमेरिकाका ३ ब्याट्सम्यानलाई आउट गरेका थिए । उनले ४ ओभरमा २७ रन खर्चँदै ३ विकेट लिएका हुन् ।
त्यस्तै मोनांक पटेल २ रनमा आउट हुँदा एन्ड्रीस गोउस पनि २ रनमै आउट भएका थिए । श्याम जहांगीर ९ रनमा आउट भए । त्यस्तै अरुण जोन्सले १३ रन बनाउँदा मिलिन्द कुमारले नटआउट ४३ रन बनाए । त्यस्तै हरमित सिंहले ३ बलमा १० रन बनाएका थिए ।
नेपालका लागि सोमपाल कामीले ३ विकेट लिँदा रिजन ढकाल र ललितराज राजवंशीले १/१ विकेट लिएका थिए ।
