भन्सार कटिसकेको अवस्थामा विमानस्थलबाट फेरि साढे ६ किलो सुनसहित एक जना पक्राउ
नव नेपाल |
काठमाडाैं । त्रिभुवन अन्तर्राष्ट्रिय विमानस्थलबाट साढे ६ किलो सुनसहित केही विदेशी नागरिक पक्राउ परेका छन् ।
फ्लाई दुबईको जहाजबाट काठमाडौं आएका इजिप्ट र सुडानका नागरिकहरुलाई भन्सारबाट बाहिरिसकेपछि प्रहरीको टोलीले सुनसहित पक्राउ गरेको हो ।
सुनसहित इजिप्टका नागरिक सरिफ मोहमद लासिम पक्राउ परेको प्रहरीले पुष्टि गरेकाे छ ।
विमानस्थल प्रहरी प्रमुख डिआईजी अर्जुन चन्दका अनुसार बरामद भएको सुन अर्धठोस अवस्थामा छ । उनीहरुले हाफ ज्याकेटको गोजीमा सुन राखेर ल्याएकाे प्रहरीले बताएकाे छ ।
त्रिभुवन अन्तर्राष्ट्रिय विमानस्थलमा गएराति ११ः५१ बजे अवतरण गरेको फ्लाई दुबईको एफ जेड ५७३ हवाई जहाजबाट काठमाडौं आएका उनीहरु चेकजाँचको क्रममा राति १२ः४५ बजे पक्राउ परेका थिए ।
