आईसीसी टी–२० विश्वकपः फाइनल प्रवेशका लागि भारत र इङ्ल्याण्ड भिड्दै
नव नेपाल |
एजेन्सी । आईसीसी टी–२० विश्वकप क्रिकेटको दोस्रो सेमिफाइनलमा आज (बिहीबार) भारत र इङ्ल्यान्ड भिड्दै छन् ।
भारत र इङ्ल्यान्डको प्रतिस्पर्धा नेपाली समय अनुसार बिहीबार दिउँसो पौने २ बजे हुनेछ ।
भारत सुपर–१२ समूह ‘२’ को विजेता र इङ्ल्यान्ड समूह ‘१’ को उपविजेताका रुपमा सेमिफाइनलमा पुगेको हो ।
बुधबारको पहिलो सेमिफाइनलमा न्यूजिल्याण्डलाई ७ विकेटले हराउँदै पाकिस्तान १३ वर्ष पछि फाइनलमा पुगेको छ।
आजको विजेताले उपाधिका लागि पाकिस्तानसँग खेल्नेछ । फाइनल खेल आउँदो आइतबार पौने २ बजे सुरु हुनेछ ।
