देशभर ३८५३ ले जिते कोरोना, थप २४४४ संक्रमित, ४२ को मृत्यु

काठमाडौं । नेपालमा पछिल्लो २४ घन्टामा २ हजार ४४४ जना कोरोना संक्रमित थपिएका छन् ।

देशभरका विभिन्न प्रयोगशालामा पीसीआर विधिबाट ६ हजार ६ सय ४८ र एन्टीजेन विधिबाट ४ हजार ९९२ जनाको परिक्षण गरिएकोमा उक्त संख्यामा कोरोना संक्रमण देखिएको स्वास्थ्य मन्त्रालयले जनाएको छ ।

त्यस्तै पछिल्लो २४ घन्टामा देशभर ३ हजार ८ सय ५३ जना कोरोनामुक्त भएका छन् । यससँगै हालसम्म देशभर कोरोना संक्रमण मुक्त हुनेको संख्या ५ लाख ८८ हजार १ सय ८७ पुगेको छ ।

त्यस्तै पछिल्लो २४ घन्टामा ४२ जनाको मृत्यु भएको जनाइएको छ । यससँगै नेपालमा कोरोनाबाट हालसम्म ज्यान गुमाउनेको संख्या ९ हजार ५१ पुगेको छ ।