उपत्यकामा ५४५ सहित देशभर थप २७४५ संक्रमित, ४१८७ कोरोनामुक्त, ४१ को मृत्यु
नव नेपाल |
काठमाडौं । नेपालमा पछिल्लो २४ घन्टामा थप २ हजार ७४५ जनालाई कोरोना भाइरस पुष्टि भएको छ ।
स्वास्थ्य मन्त्रालयका अनुसार पछिल्लो २४ घन्टामा १३ हजार २ सय ९० जनाको परिक्षण गरिएकोमा उक्त संख्यालाई कोरोना पोजेटिभ देखिएको हो ।
त्यस्तै पछिल्लो २४ घण्टामा ४ हजार १८७ जनाले कोरोनालाई जितेका छन् ।
सो अवधिमा कोरोनाकै कारण ४१ जनाको मृत्यु भएको मन्त्रालयले जनाएको छ । यो सँगै नेपालमा कोरोनाका कारण मृत्यु हुनेको संख्या ८ हजार ५०६ पुगेको मन्त्रालयले जनाएको छ ।
त्यस्तै पछिल्लो २४ घन्टामा उपत्यकामा ५४५ जना कोरोना संक्रमित थपिएका छन् ।
