टिफिनमै ७ वर्षीय छात्रालाई यौन दुर्व्यवहार गर्ने शिक्षक पक्राउ
नव नेपाल |
महोत्तरी । यौन दुर्व्यवहार गरेको आरोपमा एक विद्यालयका सञ्चालक एवं शिक्षक पक्राउ परेका छन् ।
बिहीबार दिउँसो विद्यालयमै सात वर्षीया छात्रालाई बलात्कार गरेको आरोपमा गौशाला नगरपालिका– ५ स्थित गौशाला एकेडेमीका शिक्षक जुगलकिशोर साहलाई प्रहरीले पक्राउ गरेको हो ।
जिल्ला प्रहरी कार्यालय महोत्तरीका अनुसार टिफिनको समयमा चौथो तल्लाको छतमा लगेर प्रलोभन देखाएर उनले बालिकालाई बलात्कार गरेको जाहेरीको आधारमा साहलाई पक्राउ गरी मुद्दा चलाइएको छ ।
साहलाई महोत्तरी जिल्ला अदालतबाट पाँच दिनको म्याद लिई थुनामा राखिएको छ भने घटनाका सम्बन्धमा प्रहरीले थप अनुसन्धान थालेको छ ।
