बुलिङटारबाट कावासोती जाँदै गरेको जिप दुर्घटना हुँदा १ को मृत्यु, २५ जना घाइते

नवलपुर । पूर्वी नवलपुरको बुलिङटाबाट कावासोती जाँदै गरेको जिप दुर्घटना हुँदा एक जनाको मृत्यु भएको छ भने २५ जना घाइते भएका छन् ।

आज (शनिबार) विहान नवलपुरको बुलिङटारबाट कावासोती आउँदै गरेको बागमती प्रदेश ०७–००१– ज ००२० नम्बरको बलेरो जीप दुर्घटनामा पर्दा १ जनाको मृत्यु भएको र २५ जना घाइते भएको र घाइते मध्ये २ जनाको अवस्था गम्भीर रहेको जिल्ला प्रहरी कार्यालय नवलपुरका प्रहरी उपरीक्षक यादव ढकालले बताए ।

घाइतेहरु मध्ये ११ जनाको कावासोतीको नवलपुर अस्पताल र मध्यविन्दु जिल्ला अस्पतालमा उपचार भईरहेको छ भने बाँकीको थप उपचारका लागि चितवनतर्फ पठाइएको ढकालले जानकारी दिए ।

घटना स्थलमा प्रहरी, नेपाली सेना र स्थानीयले घाइतेहरुको उद्दार गरेको थियो ।

घटनाको विस्तृत विवरण आउन बाँकी रहेको छ ।