असई यादवसहित २ प्रहरी घुससहित पक्राउ
नव नेपाल |
काठमाडौं । अख्तियार दुरुपयोग अनुसन्धान आयोगले घुस रकमसहित दुई प्रहरीलाई पक्राउ गरेको छ ।
अख्तियारले प्रहरी चौकी कान्तिबजार महोत्तरीका इन्चार्ज असई शर्माप्रसाद यादव र वरिष्ठ प्रहरी हवल्दार मन्जित कुमार झालाई घुससहित पक्राउ गरेको हो ।
सेवाग्राहीबाट २० हजार रुपैयाँ घुस लिइरहेको अवस्थामा महोत्तरीको गौशाला नगरपालिका-१२ स्थित गैरीटोलबाट उनीहरूलाई नियन्त्रणमा लिइएको अख्तियारका प्रवक्ता नरहरि घिमिरेले बताए ।
महोत्तरी जिल्ला अदालतबाट भएको फैसलाको कार्यान्वयन नगर्न छलफल गराउने भन्दै सेवाग्राहीसँग घुस माग गरिरहेको भन्ने सूचनाका आधारमा बर्दिबासबाट खटिएको टोली उनीहरूलाई पक्राउ गरेको अख्तियारले जनाएको छ ।
उनीहरूमाथि थप अनसन्धान भइरहेको अख्तियारले जनाएको छ ।
