स्कुल बस दुर्घटनाः विद्यालयकी कर्मचारी आरतीसहित उनकै छोरा प्रिन्सले पनि गुमाए ज्यान
नव नेपाल |
पोखरा । पोखरामा भएको स्कुल बस दुर्घटनामा एक बालकको पनि मृत्यु भएको छ ।
मृत्यु हुनेमा एलपी देवकोटा मेमोरियल विद्यालयकी कार्यालय सहयोगी ३३ वर्षीया आरती विक र उनकै छोरा प्रिन्स विक रहेको प्रहरीले जनाएको छ ।
दुर्घटनामा परेर गम्भीर घाइते भएका प्रिन्सको गण्डकी मेडिकल कलेजमा उपचारका क्रममा मृत्यु भएको हो । दुर्घटनामा परेर २८ जना घाइते भएका छन् ।
आज बिहान पोखरा—२१ कृस्तीमा एलपी देवकोटा मेमोरियल विद्यालयको ग १ क ६२१९ नं. को स्कुल बस विद्यार्थीसहित दुर्घटनामा परेको थियो ।
घाइते विद्यार्थीको गण्डकी मेडिकल कलेज र मणिपाल शिक्षण अस्पतालमा उपचार भइरहेको कास्की प्रहरी प्रवक्ता वसन्तकुमार शर्माले जानकारी दिए ।
