आमा तीन तलामाथिबाट हाम फालिन्, दुई नाबालक कोठामै बेहोस, तीनै जनाको मृत्यु
नव नेपाल |
ललितपुर । ललितपुरको महालक्ष्मी नगरपालिका–३, इमाडोलमा घरको तीन तलामाथिबाट हामफालेकी एक महिला र उनका दुई बच्चाको मृत्यु भएको छ ।
जिल्ला प्रहरी परिसर, ललितपुरका अनुसार ओचुहाइटमा बस्ने रविना महर्जनले घरको तीन तलामाथिबाट हामफाल्दा मृत्यु भएको हो ।
उनको किस्ट अस्पतालमा उपचारका क्रममा मृत्यु भएको प्रहरीले जनाएको छ । साथै उनको कोठामा बेहोस अवस्थामा भेटिएका दुई जना बच्चाको पनि मृत्यु भएको छ ।
उनकी छोरी २ वर्षीया रविना महर्जन र ६ वर्षीय अश्वेत महर्जनलाई पनि बेहोस अवस्थामा उद्दार गरेर किस्ट अस्पताल लगिएको थियो ।
दुवैको पनि उपचारका क्रममा मृत्यु भएको प्रहरीले जनाएको छ । ती बालबालिकाको मृत्युको कारण भने खुलेको छैन् ।
बच्चाहरूको मृत्यु कसरी भएको भन्नेबारे पोष्टमार्टम रिपोर्ट आएपछि मात्रै थाहा हुने प्रहरीको भनाई छ । घटनाबारे प्रहरीले थप अनुसन्धान थालेको छ ।
